“Ég og fleiri frægir” í Grindavíkurkirkju 24.nóv
Alexander Birgir Björnsson, þrettán ára nemandi í Grunnaskóla Grindavíkur, stóð fyrir tónleikunum Ég og fleiri frægir mánudagskvöldið 24.nóvember til styrktar Einhverfusamtökunum og Birtu, landssamtökum foreldra barna & ungmenna sem látist hafa fyrirvaralaust. Margir af helstu tónlistamönnum þjóðarinnar stigu á stokk og skemmtu viðstöddum.
Tónleikarnir voru haldnir í Grindavíkurkirkju og á meðal þeirra sem fram komu voru Alma Rut, Erna Hrönn, Sigga Eyrún, Pétur Örn Guðmundsson, Jógvan Hansen, Eyþór Ingi, Matti Matt, Magni, Einar Clausen, Hannes Friðbjarnarson, Einar Þór Jóhannsson, Karl Olgeirsson, Þorgils Björgvinsson, Pálmi Sigurhjartarson o.fl. Allir flytjendur gáfu vinnu sína og höfðu gaman af.
Allur ágóði rennur óskertur til fyrrgreindra samtaka en UPPSELT var á tónleikana nokkrum vikum á undan. Fjölmörg fyrirtæki studdu verkefnið með einum eða öðrum hætti, sem og fjöldi tæknimanna og aðstoðarfólks. Þeir sem vilja styrkja verkefnið er bent á reikningsnúmerið: 516-14-300199, kt: 050267-5479.