Alma Rut hefur sungið með mörgum af þekktustu tónlistarmönnum landsins síðastliðin ár.

Hún hefur sungið inn á fjölmargar plötur, á ótalmörgum tónleikum, dansleikjum, brúðkaupum, jólahlaðborðum, árshátíðum, sjónvarpsþáttum, sungið og leikið í teiknimyndum og söngleikjum og komið fram við hin ýmsu tilefni.

Alma Rut lærði söng í Tónlistarskóla FÍH og píanó og söng í Tónlistarskóla Akureyrar. Hún hefur farið á námskeið í Complete Vocal Tecnique söngtækni, kennt söng í Söngskóla Maríu Bjarkar og í Meiriskóla Margrétar Eirar.

Alma hefur einnig verið í stjórn KÍTÓN, sem er félag kvenna í tónlist.

Alma Rut er útskrifaður stjórnendamarkþjálfi (Executive Coach) frá Háskólanum í Reykjavík (Coach-U). Hún nýtir víðtæka þekkingu og reynslu til að hjálpa þér að ná meiri árangri og betri frammistöðu í lífi og starfi.

Alma er vottaður High Performance Coach og býður upp á hefðbundna markþjálfun og einnig hástigs frammistöðu þjálfun (High Performance Coaching) þar sem takmarkið er að ná árangri fram yfir meðallag, viðvarandi á löngu tímabili, á meðan haldið er í vellíðan og jákvæð sambönd. Í þjálfuninni er stefnt að því að öðlast meiri hamingju, árangur, fullnægju og bæta frammistöðu á öllum sviðum lífsins!

Hún er vottaður ACC markjálfi og  meðlimur í Alþjóðasamtökum markþjálfa (ICF – International Coaching Federation) og ICF Ísland.

Hún er líka nemi í sálfræði í Háskólanum á Akureyri þannig að hún býr yfir víðtækri þekkingu á þessu sviði.

Alma Rut hefur unnið sem atvinnusöngkona síðan 2004, hefur verið í fyrirtækjarekstri og verkefnastjórnun í fjölda ára, er tveggja unglinga móðir og mikið skipulagsnörd.

Alma varð hluti af stórhljómsveitinni TODMOBILE árið 2009 og hefur tekið þátt í fjölmörgum tónleikum með þeim, m.a. ásmt Jon Anderson (Yes), Midge Ure (ultravox), Steve Hackett (Genesis), Nik Kershaw og stórsöngvaranum Tony Hadley (Spandau Ballet). 

Popp-rokk-kántrýhljómsveitin VESTANÁTTIN gaf út plötu árið 2015. Alma Rut var þar aðalsöngkona ásamt Gumma Jóns (í Sálinni). 

Alma hefur komið fram á óteljandi mörgum stórum tónleikum, bæði í röddum og sem einsöngvari.

Í 6 ár kom hún fram í sýningum Gunnars Þórðarsonar á Hótel Grímsborgum, m.a. afmælissýningu Gunnars, Abba, BeeGees, Olivia Newton John, Vestmannaeyjaperlur og DISCO afmælissýngu skemmtistaðarins Hollywood.

Hún hefur sungið raddir í yfir 20 lögum í Söngvakeppni Sjónvarpsins og hefur tvisvar sinnum farið út í Eurovision og staðið á sviðinu fyrir Íslands hönd, árið 2012 í Azerbeijan og 2015 í Austurríki.

Nokkur fleiri tónlistarverkefni sem Alma hefur unnið við:

Pink Floyd heiðurstónleikar Classic Rock og Dúndurfrétta

Stórtónleikar Björgvins Halldórssonar & Bubba Morthens

Eyjatónleikarnir í Hörpu á hverju ári frá 2014

Jólatónleikar Siggu Beinteins

Rumours tónleikar til heiðurs Fleetwood Mac

Sálin hans Jóns míns

Skonrokk

Söng-, dans-, leik- og tónleikasýningunni Moulin Rouge hjá Forte

Hún hefur unnið í mörgum verkefnum hjá Rigg, m.a. AC/DC tónleikasýningu, heiðurstónleikum Freddie Marcury, afmælistónleikum Friðriks Ómars, heiðurstónleikum Vilhjálms Vilhjálmssonar, Elvis Presley tónleikum og á Fiskidagstónleikunum á Dalvík.

Tónleikarnir TAKK NJALLI þar sem fram komu Vinir vors og blóma, Land og synir, Sóldögg og fleiri til heiðurs Njáls Þórðarsonar hljómborðsleikara. 

Alma hefur líka sungið og leikið í söngleiknum Hárinu og í teiknimyndunum Chicken Little, Kronks New Groove o.fl.

og einnig hefur hún sett upp og verkefnastýrt fjölmargum tónleikum á stærri og smærri stöðum, m.a. Heiðurstónleika Michael Bublé og Heiðurstónleika Hauks Morthens.