Bó & Bubbi í Hofi

Tveir af mögnuðustu tónlistarmönnum landsins, þeir Björgvin Halldórsson og Bubbi Morthens, héldu tvenna tónleika í Hofi á Akureyri laugardagskvöldið 13.september 2014. Þeir félagar héldu áður sameiginlega tónleika í Eldborgarsal Hörpu í byrjun apríl 2014 og voru viðtökurnar mjög góðar.

Hljómsveitina skipuðu: Benedikt Brynleifsson trommur, Eiður Arnarsson bassi, Guðmundur Pétursson gítar, Jón Elvar Hafsteinsson gítar, Þórir Úlfarsson píanó, Þórir Baldursson hammond, Kristján Gíslason raddir og Alma Rut raddir. Haffi Tempó sá um hljóðið í salnum, Einar Karl Valmundsson um hljóð á sviði og Viktor Hólm var sviðsstjóri.

Bó & Bubbi í Hörpu

Stórtónleikar Björgvins Halldórssonar og Bubba Morthens voru í Eldborg í Hörpu föstudagskvöldið 4. apríl 2014 og laugardagskvöldið 5.apríl 2014! Þetta var svo sannarlega sögulegur viðburður þegar þeir félagar tóku sín eigin lög, lög hvors annars og einnig saman marga eðalsteina úr söngbókinni. Allur undirbúningur var til fyrirmyndar og góður andi var meðal allra sem að verkefninu stóðu.

Alma Rut var eina stelpan á sviðinu með þessum eðalmönnum, en þarna var sérvalin hljómsveit með Bó & Bubba: Þórir Úlfarsson hljómborð, Þórir Baldursson hammond, Jón Elvar Hafsteinsson gítar, Guðmundur Pétursson gítar, Benedikt Brynleifsson trommur, Eiður Arnarsson bassi, Einar Scheving slagverk, Alma Rut raddir og Kristján Gíslason raddir. Kynnir var Ari Eldjárn. Gunni Sig sá um hljóðið í salnum og Agnar Hermannsson um ljósin.