SKONROKK
SKONROKK á Þjóðhátíð í Eyjum 2014
SKONROKK hópurinn var á stóra sviðinu á Þjóðhátíð í Eyjum 2014!
Magni, Eyþór Ingi, Biggi Haralds, Erna Hrönn og Alma Rut sungu vel valin rokklög ásamt mögnuðu Skonrokks-hljómsveitinni: Birgir Nielsen trommur, Kristján Grétarsson gítar, Ingimundur Benjamín Óskarsson bassi, Kjartan Valdimarsson hljómborð, Sigurgeir Sigmundsson gítar og Ragnar Már Gunnarsson gítar.
Hljómsveitin kom fram á kvöldvöku laugardagskvöldsins kl.20:30 og aftur á ballinu um nóttina, strax á eftir stórtónleikum Quarashi. Þvílík mögnuð þjóðhátíðarstemning í Herjólfsdal!
SKONROKK um sjómannadagshelgina 2014
SKONROKK var í Vestmannaeyjum föstudagskvöldið 30.maí 2014, en einmitt þar hófst Skonrokk-ævintýrið fyrir 5 árum.
Magni, Eyþór Ingi, Biggi Haralds, Pétur Örn og Alma Rut heiðruðu sjómenn á sjúklega flottum tónleikum í Höllinni á föstudagskvöldinu fyrir sjómannadag, ásamt hinni mögnuðu hljómsveit Tyrkja Guddu, og fluttu öll gæsahúðarlögin frá þessu magnaða tónlistartímabili í rokksögunni.
Tyrkja Guddu skipa: Birgir Nielsen trommur, Einar Þór Jóhannsson gítar, Ingimundur Benjamín Óskarsson bassi, Stefán Gunnlaugsson hljómborð, Sigurgeir Sigmundsson gítar og Ragnar Már Gunnarsson gítar.
Skonrokk um páskana 2014
SKONROKK hópurinn hefur algjörlega slegið í gegn og fest sig í sessi tónleikaunnenda sem ein magnaðasta rokksveit landsins, enda toppfólk í öllum stöðum.
Magni, Eyþór Ingi, Biggi Haralds (Gildrunni), og Pétur Örn ásamt hinni mögnuðu hljómsveit Tyrkja Guddu, flytja öll 80’s gæsahúðarlögin frá þessu magnaða tónlistartímabili í rokksögunni. Með strákunum eru söngkonurnar Alma Rut og Erna Hrönn en þær radda allt í tætlur og syngja nokkur vel valin lög.
Tyrkja Guddu skipa: Birgir Nielsen trommur, Einar Þór Jóhannsson gítar, Ingimundur Benjamín Óskarsson bassi, Stefán Örn Gunnlaugsson hljómborð, Sigurgeir Sigmundsson gítar og Ragnar Már Gunnarsson gítar.
Skonrokk var um páskahelgina 2014 á Akureyri og í Reykjavík!
Föstudaginn langa, 18.apríl 2014, ferðaðist hópurinn til Akureyrar til að setja upp tónleikana í Hofi um kvöldið. Öllu flugi var aflýst þann daginn vegna veðurs þannig að hópurinn fékk risa fjallatrukk til að keyra norður, en Öxnadalsheiðin var illfær og því nauðsynlegt að vera vel búin. Tónleikarnir í Hofi gengu rosalega vel og frábær stemning var í salnum.
Flogið var til Reykjavíkur daginn eftir, 19.apríl 2014, og farið nánast beint í Hörpu, en tónleikarnir voru í Silfurbergi á laugardagskvöldinu. Áhorfendur voru í þvílíku stuði og enduðu margir við hliðina á sætunum dansandi og syngjandi með.