Eva Cassidy tribute – Jóhanna Guðrún
Jóhanna Guðrún hélt tónleika í Salnum, Kópavogi þann 24.september 2011 til heiðurs Bandarísku tónlistarkonunni Eva Cassidy.
Eva var þjóðlagasöngkona frá Washington í Bandaríkjunum en lést aðeins 33 ára gömul í nóvember 1996. Eva Cassidy gaf út 2 plötur á sínum ferli sem náðu einungis athygli á hennar heimaslóðum í Bandaríkjunum , en 4 árum eftir dauða hennar var hennar útgáfa af Somewhere over the rainbow spiluð á BBC í Englandi og þá byrjuðu hjólin að snúast, safnplatan Songbird var gefin út í kjölfarið á þessu og hefur hún selst í meira en 10 milljónum eintaka um heim allann.
Jóhönnu Guðrúnu þekkjum við öll, enda er ferill hennar langur þó ung sé hún að árum. Hún hefur undanfarin ár verið ein af okkar albestu söngkonum og keppti fyrir Íslands hönd í Eurovision með frábærum árangri 2009 með lagið Is it true. Eins og alþjóð veit Jóhanna hefur verið mikill aðdáandi Evu Cassidy frá unga aldri, og hafði það verið draumur hennar lengi að halda tónleika henni til heiðurs. Á tónleikunum kom bróðir Evu Cassidy fram sem gestur, fiðluleikarinn Dan Cassidy, en hann hefur búið hérlendis í fjöldamörg ár, og margir sem þekkja hann frá vinnu sinni með hljómsveitinni Papar.
Jóhönnu til aðstoðar var hljómsveit skipuð einvalaliði tónlistarmanna: Davíð Sigurgeirsson, Óskar Einarsson, Róbert Þórhallsson, Ásmundur Jóhannsson, Alma Rut og Íris Hólm.